gemill

Guðjón Emilsson heiti ég. Nemi i Kaupmannahofn.

mánudagur, febrúar 28, 2005

Mættur til vinnu eftir enn eina frábæru helgina. Laugardagurinn var svakalega viðburðaríkur. Byrjaði daginn á kennslu kl. 8 fór síðan beina leið í Háskólabíó að syngja á útskrift þar kl 14. Klukkan 16 fórum við Jón og Gauti til Valda í kaffiboð þar sem hann var að útskrifast sem master í viðskiptafræðinni. Síðan um kl. 9 fór ég í útskriftarpartý til Halla sem var að útskrifast sem B.s. í Hagfræði og þar næst laust fyrir miðnætti fór ég til Þóris ásamt Jóni og Kristínu. Einhver dýrasti leigubíll sem ég hef tekið um dagana. 3300 kall úr Hafnarfirði á Nesið. Partýið hjá Þóri var að vanda vel útilátið og var hann reyndar einu borðstofuborði fátækari eftir partýið. Ég varð nú heldur framlár og fór með Kristínu í leigubíl um kl. 5.
Á sunnudag fórum við Gauti svo og sóttum ísskápinn til mömmu og pabba hennar Önnu. Þau voru að flytja og voru að vonum feginn þegar við komum með flutningabíl til að taka gripinn. Í fyrsta sinn í marga daga fékk ég kalda mjólk á Specila K ið mitt í morgun.

laugardagur, febrúar 19, 2005

Sit hér á Peder Hvitfeldts stræde þar sem Einar og Margrét búa í Köbenhavn. Við Kristín erum búin að gista tvær nætur hjá Láru og Óla í Lyngby, Stengarden. En þau búa á Christoffersalle í "sveitinni" En það tekur svona 40 mínútur að komast á milli þessar staða með lest. Einar og Margrét búa sem sagt nálægt Nörreport sem er í miðborginni. Við ætlum einmitt að reyna að finna okkur veitingastað til að borða í kvöld og síðan ætlum við út í Amager og fara í íslendingapartý. En þangað fórum við reyndar líka í gær í íslendingapartý.
Ég er búinn að skella mér í CBS skólann og líst gríðarlega vel á bygginguna og það sem inni í henni er. Var reyndar svolítið óheppinn að ná ekki tali af konunni sem sér um umsóknarferlið þar. Mér var bent á að koma á mánudaginn og þá ætla ég að sækja bara um. Sú hugmynd að nema hér hagfræði í haust fær byr undir báða vængi nú. Líst bara grefilli vel á þessa borg.

En hér er bara frábært að vera eins og fram hefur komið og allir eru voða gestrisnir. best að fá sér bjór.

Guðjón E.

fimmtudagur, febrúar 03, 2005

Langt er orðið á milli vefbókana. En frá og með gærdeginum erum við Kristín flutt á Leifsgötu 10. Við fengum einvalalið fólks úr kórnum til að hjálpa okkur við flutningana og gengu þeir vonum framar að mínu mati.


Við fengum Nissan Orivan hjá Hasso sem reyndist drjúgur þar sem við fórum víða við og náðum í þrjá sófa og eina þvottavél. Jón var reffilegur við stýrið á Hasso skutlunni enda eini maðurinn með meirapróf. Einnig voru þarna Gauti, Telma, Þórir, Gunni og Ásdís. Mæli með þessu fólki í flutninga :o) .

Ekki byrjuðu samskiptin við nágrannana vel. Ég þurfti endilega að leggja í einkabílastæði sem nágranninn átti og var greinilega ekki sáttur við, því hann lagði bílnum sínum fyrir aftan minn. En þó fengum við heimsókn kl. 11 í gærkvöldi. Hinar samhentu tvíburasystur Alda og Bára, sem búa á hæðinni fyrir ofan, komu við og buðu okkur velkomin í blokkina.

Það er stundum sagt að maður eigi að telja glugga og dyr sem eru í svefnherberginu manns áður en farið er að sofa fyrstu nóttina, þar sem sagt er að þá rætist draumurinn sem maður dreymir um nóttina. Þessu gleymdi ég og eiginlega sem betur fer. Ég var staddur í sumarbústað undir Ingólffjalli í Grímsnesinu. Mér fannst ég vera að vinna ásamt kollegum. Skyndilega kom skriða úr fjallinu og áttum við fótum fjör að launa. Ég náði að koma mér undir Grjóthnullung sem reyndar ber nafnið Sængurkonusteinn. Ekki veit ég af hverju þetta var svo skýr draumur, þar sem ég dreymi yfirleitt bara eitthvað bull.

Það er gaman að þessu!!! :o)