Jamm og jæja, þá hefur mér loks tekist að rífa mig frá gengispælingunum fyrir Alþjóðahagfræðina, annars hefur gengið verið nokkuð gott fyrir þetta próf hahaha...... ég hef kannski gengið aðeins of langt muhahahaha...... hvað er annars að mér?!!!! Jæja, þá er ég sestur í tölvuna og er ekki búinn að vera þar í nema 5 mínútur að þá kemur hún Auður BABE og kvartar við mig að ég hafi ekki staðið mig nógu vel í blogginu síðustu daga, svo ég verð við hennar óskum, (ég geri allt fyrir hana Auði mína :o) ). Við fórum annars á þrusugóða aðventutónleika á sunnudaginn í Hjallakirkju. Hef venjulega farið á Aðventutónleika á hverju ári síðastliðin ár heima á Selfossi, en þar sem ég bý nú í bænum núna var það ekki hægt svo upplagt var að skella sér á þessa tónleika. Þær Ýrr sæta og Auður Babe buðu mér með og fengum við beztu sætin í salnum. Þær urðu svo aldeilis hlessa yfir því hvað ég var góður í öllum textunum sem gestirnir áttu að syngja með kórnum, (þar sem við vorum náttla ekki með textana), en kunnátta mín var mjög háð því hvernig konan fyrir framan mig hreyfði sig, þar sem ég las allt af blaðinu hennar. He he ég sniðugur eins og alltaf.
Prófið í Alþjóðahagfræðinni á morgun og svo er leikurinn í kvöld mar, gremj ahh.... Barcelona - Newcastle. Gríðar fórnarkostnaður að fara á Glaumbar að horfa, en sé til.