Men, hvað það er langt síðan ég hef bloggað. Þá kemur alltaf sama gamla tuggan og klisjan um að það hafi verið alltof mikið að gera og svona og það er alveg satt. Ég hafði þó tíma að skella mér í Æfingabúðir í Hlíðardalsskóla í Ölfushreppi um síðustu helgi og var það algjör snilld.
Lag sem allir höfðu hatað (eða að minnsta kosti ekki líkað við) Night var tekið með trompi eins og við hefðum aldrei gert neitt annað en að syngja það og gladdist ég þá mjög þar sem ég alltaf verið áhugamaður um þetta lag. Það verður fjör að flytja þetta. Síðan var tekið nýtt lag sem heitir: ....eeeee æ, ég man það ekki, en þetta var svona íslensk tvísöngsvísa ógó skemmtilegt lag. Á laugardagskvöld voru svo skemmtiatriði á kvöldvökunni hinni einu sönnu og verð ég að segja að skemmtiatriðin þetta kvöld hafi verið með þeim betri sem ég hef séð (með virðingu fyrir forverum okkar). Man nú ekki röðina en þarna voru: Útskúfunaratriði sópransins þar sem þær Hrafnhildur og Ásta Rut fóru á kostum. Á dagskrá var einnig IDOL keppni okkar bassanna, þar sem við Jón Ólafur áttum að fara á kostum en Lára Klára stal senunni með tilheyrandi gjörningi. Tenórinn var með sitt framlag og var það gítarsamleikur þeirra, Þengils, Daníels og Ragga þar sem þeir sungu lag eftir Ragga um brjóst allra kærastanna sem Raggi hefur átt. Hugmyndaflugið !!!! Síðast en ekki síst tóku altarnir gott strippsjóv með því að skipta um brjóstahaldara og kasta þeim til okkar slefandi karlmannanna. Eitt þykir mér mjög fyndið því það var eitt sem einkenndi öll þessi skemmtiatriði og varð að eins konar þema. Öll atriðin fjölluðu á einn eða annan hátt um kvenmannsbrjóst!!!!!!!!!! Takið eftir því!
Síðan var djammað langt fram undir hádegi á sunnudag þar sem fólk var ekkert feimið við að fara í sund í litlu sem engu og skemmta sér eins og alvöru kórmeðlimum sæmir. Því vil ég segja að miðað við það sem ég hef séð og upplifað í þessum kór, þá eru nýju kórmeðlimirnir sko búnir að stimpla sig inn og vel djammhæf, þetta er jú, ákveðið level sem ekki hver sem er fer upp á!!!!